ما تغير شي ... لكن صار ((فاضي)) هالمكان
يعني إنت شفت قلبي ؟؟ طحت من عيني و عينه
كان لك قلبي مدينه ... و لا حظ إني قلت : كان!! بعني
يعني إنت الحين واحد خارج حدود (( المدينة)) ليه
ليه مستغرب كلامي ؟؟ و ليه أعطيك الأمان ؟
و ليه تكذب في كلامك !!!... العذر و ينك ووينه؟؟
ما ألومك ... كان ((قلبك)) ثارت أمواجه و خان
الخطأ مني ... لأني صرت في بحرك ((سفينه)) و
السؤال اللي كتمته .. و ما نطق فيه اللسان
كيف إيدك اطعنتني و آنا أحسبها أمينه ؟؟
جرحي ... ما يرضيه قلبك ... لو يجي كله حنان !! لو
لو تبوس الجرح فيني .. و لو تقبلها ايدينه
يوم أحبك ؟؟ قلت كلمه (( يكرم المرء او يهان )) و
و انت قلبي ما كرمته !!.... و ما قدرت إنك (( تهينه)) طاب
طاب خاطر قلبي يحبك ؟؟ قلت ... و ما عندي ضمان
و اختياري كان ((خاطىء )) تجربه بالحيييل شينه
كنت تخطي .... و كنت أسامح مره ..... مرتيين.... و ثمان!!! كنت
كنت أحبك ... كنت اعزك ... و الغلا فيني جبان
خاف تزعل لو (( ألومك )) ضعت ما بينك و بيته
في عيون الناس ( عادي) بس في عيني ؟؟..... جبان
الفشل .. كان النتيجه ... و اعتقد ... و آن الاوان
أبني مستقبل حياتي .. و انسيقصتنا الحرينه
خطوتي الأولى ((غيابك)) راح أطبقها عشان:: يبكي
يبكي قلبك لا فقدني و الندم ... يملي سنينه
جاي تسال عن مكانك ؟! هو(( بقي فيني مكان )) الله
الله يرحمها المشاعر.... اللي كانت لك رهينه
قلت لك قلبي ((مدينة)) فيها لك حشمه .. و شان
لكن انت الحين (( أغرب شخص)) في هذي المدينه